2 sentyabr 2020-ci il tarixdə Şüvəlan və Hacıqabul Uşaq və Ailələrə Dəstək Mərkəzlərinin təşkilatçılığı ilə müxtəlif mövzulu tədbirlər keçirilib.

Şüvəlan UADM-in təşkil etdiyi “Xəstəliklərə qarşı profilaktik tədbirlər” adlı onlayn vebinarda UADM-in sosial iş üzrə mütəxəssisləri, səhiyyə işçiləri və rayon sakinləri iştirak ediblər.

Vebinar zamanı uşaqlarda sağlamlığın qorunması haqqında tövsiyələr verilib.

Hacıqabul UADM-in “Uşaqlığımı əlimdən almayın!” adlı onlayn tədbirində UADM-in əməkdaşları və rayon sakinləri iştirak ediblər.

Vebinarda erkən nikahın fəsadları və bu istiqamətdə valideyn məsuliyyəti məsələləri müzakirə olunub.

Tədbirlərin sonunda iştirakçıların sualları cavablandırılaraq onlara mövzu ilə əlaqəli onlayn bukletlər göndərilib.